মাক-বাপেক নোহোৱা ঘৰখন তাই আজি বহুবছৰৰ পৰা সুকলমে চলাই আহিছে| সেইসময়ত ভায়েক সৰু আছিল বাবে পঢ়া-শুনা একাতি কৰি তাই
উপাৰ্জন কৰিব লগা হৈছিল| এতিয়া ভায়েকতো ডাঙৰ হৈছে| কাম কৰে যদিও তাৰ টকাৰ অভাৱ| তাইক বহুতেই কৈছে ভায়েকে হেনো ড্ৰাগছ লয়,
বেয়া
সংগত পৰিছে| তাই নিজে একো নেদেখা বাবে
আজিলৈকে একো কোৱা নাই|
:বাইদেউ টকা দুহেজাৰ লাগিছিল?
:কি কৰ? সেইদিনা লাইচেন্স বনাম বুলি
টকা নিছিলি| কাম হ’ল?
: জানই চোন ঘোচ নিদিলে ক’তো একো নহয়| আজি লাইচেন্সখন দিয়াৰ কথা| আৰু দুহেজাৰ দিব লাগিব| (ভায়েকৰ অজুহাতৰ অন্ত
নাই)
: হো ল’| কিবা এটা কৰ| মই ঘৰেই চলাম নে তোক
সদায় টকা দিম?
: লাইচেন্সখন হ’লে ৰামবাবুৰ গাড়ীখন
চলাব পাৰিম ৰহ|
গধুলি হ’ল| তাইৰো ’নাইট ডিউটি’লৈ যাব হ’ল| অনিচ্ছাসত্তেও যাব লগীয়া হয় তাইৰ ’কল চেন্টাৰৰ চাকৰি’লৈ|
চাৰিআলিটোত এখন ডাঙৰ হৰ্ডিঙ ওলমি আছে|
ছানি
লিঅ’নৰ অৰ্ধনগ্ন দেহাৰে সেইখন
জিছম ২ ছবিৰ বিজ্ঞাপন| পোষ্টাৰখন দেখি
তাই নিজে হাঁহি উঠিল| ইঁহতে শৰীৰ দেখুৱাই
টকা ঘটিছে আৰু তাই শৰীৰ বিক্ৰী কৰি| লিঅ’নহঁত হিৰ’ইন আৰু তাই. . . পানদোকানখন পাইছিলহে তেনেতে
‘এৰাল চিগা গৰু’ কেইটামানৰ মাত শুনিলে "পেদল চল ৰহা হু গাড়ী চাহিয়ে, জীৱন কে চফৰ মে চৱাৰী চাহিয়ে, অকেলা হে মিস্টাৰ খিলাড়ী, মিছ খিলাড়ী
চাহিয়ে"; জানু আমাক মাত লগাই
যাবা"; "ঐ এইজনী চানি লিয়ন্
নহয়নে %$#$@". . .
চহৰখনৰ হাচমুখভাইৰ গলি নামৰ ঠেক আন্ধাৰ গলিতোত তাইৰ অ’ফিচ| তাতেই কৰে তাইৰ ’নাইট ডিউটিৰ চাকৰি’|
দিনত
প্ৰখৰ ৰ’দক নেওচিব পৰা চাদৰখন হাচমুখ ভাইৰ
গলিত খোল খাই পৰে| তাইৰ দেহৰ ওপৰত
কিলবিলাই ফুৰে এজাক কামুক| আজি তাইৰ মন মৰা| ভায়েকটোলৈ চিন্তা- টকা দুহেজাৰ লাইচেন্সৰ কাৰণে দিলে নে আনে
কোৱাৰ দৰে ড্ৰাগছ বা মদ খালে? ভায়েকটোৰ ভাল
কাম এটা হ’লে তাইৰ ’নাইট ডিউটি’ৰ চাকৰি এৰিব পাৰিব|
পেটুৱা
বসন্ত দোকানীৰ ধাৰখিনি মাৰিব পাৰিলে তাৰ কটু মাত শুনিব নালাগে|
"আই এম এ হান্টাৰ এন্দ ছি ৱান্ট
তু চি মাই গান, হোৱেন আই পুল ইট আউট . .
."
কোনোবা মাতাল কাষ্টমাৰৰ সুৰ তাই থকা কোঠাতোলৈ সোমাই আহিল| গানটো আহোতে মিৰাবাঈৰ গলিত শুনি আহিছিল| কিন্ত গাই থকা জনৰ মাত শুনি তাইৰ চকুপানী নিগৰিল|
"কি ৰে জানেমন, এইফালে ঘুৰা| পুৰা ২০০০ টকা দিছো|
আজি
তুমি মোৰ. . ." কথা শেষ নহওঁতেই কাষ্টমাৰজনৰ গালত
এটা পূৰ্ণহতিয়া চৰ পৰিল|
(কিছুবছৰ আগত শুনা এটা গল্পৰ আলমলৈ)
No comments:
Post a Comment