সিদ্ধান্ত-দেবুৰ উইগ প্ৰজেক্ট (সপ্তম খণ্ড)

গুড়গাৱ| সিদ্ধান্ত মংগলৰ বাসগৃহ| তেওঁৰ মোবাইটোলৈ মেছেজ এটা আহিল-

Your SBI (Sweedhish Bank of India) A/C xxxxxxxx3789 is debited with 75,00000 on 18-03-2017. Balance as on date INR 200.00. Register your AADHAR with your bank a/c.

সিদ্ধান্ত মংগলৰ মূৰ গৰম| হ’ল| ক’ত গ’ল টকাবোৰ| তেওঁ লগে লগে চিকিউৰিটি এক্সপাৰ্ট সুৰেশ বৰাক মতা হ’ল| মানুজনে তেনেই সাধাৰণভাৱে থাকে| এখন হিৰো চাইকেলত অলৌ- তলৌকে ঘুৰি ফুৰে যদিও তেওঁ দুধৰ্ষ IT Security Analyst| ক’লা চচমা এযোৰ পিন্ধি সেইযোৰৰ আঁৰেৰে সকলো নিৰিক্ষণ কৰি থাকে| সুৰেশে সিদ্ধান্তক সুধিলে কিবা মেইল/এছ এম এছ বা ফোন কলছ আহিছিল নেকি?

কপালৰ বিন্দু বিন্দু ঘাম ম’চি বহু সময় ভাবি তেওঁ মেছেজ এটা দেখুৱালে -

Dear Beneficiary,

This is to inform you that, you have won a prize money of Two Hundred Thousand Great British Pounds (GBP200,000.00) in the Ongoing 2012 year International E-mail Draw which was Organized by Coca-Cola Company Of England.

"প্ৰাইজ মানিখিনি পাবলৈ মোৰ পৰা ই-মেইল, ফোন, এড্ৰেছ, বেংক একাউণ্ট ডিটেইলছ বিছাৰিছিল| মইও দিছিলো|" সিদ্ধান্তই সেপ ঢুকি ক’লে|

সুৰেশৰ ভমকৈ উঠা খংটো লুকুৱাই তেওঁ ক’লে "ইহঁতে হুদু দেখিছে, ফান্দ দেখা নাই| হ’ব| আপুনি নিশ্চিন্ত থাকক| মই টকা ওভতাই অনাৰ ব্যৱস্থা কৰিম|"

*            *            *            *            *            *            *

দীঘলি পুখুৰী পাৰ, গুৱাহাটি

জিতু আৰু গাৰ্লফ্ৰেইণ্ড দীঘলী পুখুৰী পাৰত প্ৰেমালাপত ব্যস্ত| গছবোৰত আঁৰি দিয়া লাইটবোৰৰ ক্ষীণ পোহৰত পৰিৱেশটো ৰোমাণ্টিক হৈ উঠিছে|

জিতুই সুধিলে- মোক কিমান ভাল পোৱা?

গাৰ্লফ্ৰেইণ্ডে বেগৰ পৰা ডেইৰী মিল্ক এটা উলিয়াই টপককৈ মুখত ভৰালে| হাতৰ পৰা খালি পেকেটতো পেলাই উত্তৰ দিলে- ঠিক এই চকলেটতোৰ সমান|

হাও চুইট! মোক চকলেটৰ দৰে ভাল পোৱা| - জিতু|

অবোধ বালক| মোক বুজিয়ে পোৱা নাই- গাৰ্লফ্ৰেইণ্ডে মনতে ভাবিলে|

*           *           *           *           *           *           *           *

সেই যে সিদ্ধান্ত্ মংগলৰ একাউণ্টৰ পৰা টকা হৰলুকি হৈছিল, সুৰেশৰ মূৰ গৰম হ’ল| সিদ্ধান্ত মংগল কাশ্যপ ওৰফে চিমাকাৰ টকা ওভতাই আনিব নোৱাৰিলে তেওঁৰ সেই বিখ্যত ডাইলগটো শুনিবলৈ পাব যে সেইয়া নিশ্চিত| "মাৰ দিয়া যায় য়া চৌৰ দিয়া যায়| বৌলো, তেৰে চাথ ক্যা চুলুক কিয়া যায়?" ইয়াৰ আগতেও বহুকেইজন নিমখ হাৰাম কৰ্মচাৰীয়ে এইটো ডাইলগ শুনি চিৰজীৱনলৈ চকু মুদা সুৰেশে দেখিছে| তেওঁৰ লগ ত এইটো হ’ব দিব নোৱাৰে IT Security Analyst সুৰেশে দুধৰ্ষ হেকাৰ তপনক মাতিলে|

তপন ল’ৰাটো আকৌ জাবৰ| আহিব ওলাওতেই হেনো তাৰ বাইকখন বেয়া হ’ল| এতিয়া আকৌ সুৰেশৰ Jaguar XF খন বিছাৰি পঠিয়াইছে|

*           *           *           *           *           *           *           *

বিখ্যাত বেঙেনা হোলচেলাৰ জিতুৰ ফোন অফ| চাৰি ঘণ্টা হ’ল একো খা-খবৰ নাই| অন্তৰীক্ষা, ডলি, ৰাজশ্ৰী, পুলকিতা, মম্পিকে ধৰি নাৰীসকলৰ মাজত হুলস্থুল| ৱাটছএপত সাংঘাটিক মিঠা মিঠা কথাৰে নাৰীসকলৰ মন ভুলোৱাত জিতুৰ এক সুকীয়া নাম আছে|

আগলৈ...

সিদ্ধান্ত-দেবুৰ উইগ প্ৰজেক্ট (অষ্টম খণ্ড)

অ’ছাকা, জাপান|

মনজিত আৰু কুলদ্বীপৰ শেষ এছাইনমেণ্ট| দুয়ো স্কাইস্ক্ৰেপাৰ বোৰ চাই গৈ আছে| ৰবটৰ দেশ| ট্ৰেফিক কণ্ট্ৰলৰ পৰা শ্বপিং, ৰেষ্টোৰা সকলৈকে ৰবটেৰে পৰিচালিত| সুউচ্চ অট্টালিকা এটাৰ সমুখত কুলদ্বীপ-মনজিত অহা Mercedes-Benz CLSখন ৰ’লহি| স্বয়ংক্ৰিয়ভাৱে গাড়ীচালকৰুপী ৰবটতোৱে মাত দিলে Shūryō shite kudasai (অনুগ্ৰহ কৰি গাড়ীৰ পৰা নামক)|

প্ৰৱেশদ্বাৰত এইবাৰ সুন্দৰী যুৱতী দেখি দুয়োৰে মনটো ভাল লাগিল| ৰবটৰ দেশখনত এজনী হ’লেও সুন্দৰী দেখিবলৈ পাইছে| Yōkoso (স্বাগতম) যান্ত্ৰিক মাত এটাৰে সুন্দৰী যুৱতীৰুপী ৰবটে সিহঁতক ভিতৰলৈ লৈ গ’ল|

*          *        *       *         *         *          *

ভেটাপাৰা, গুৱাহাটি| ডেবু ডনৰ লেব’ৰেটৰী খালি কৰি থকা হৈছে| সকলোবোৰ বস্ত অজ্ঞাত স্থানলৈ স্থানান্তৰিত কৰা হৈছে|

দেবুই সকলোকে নিৰ্দেশ দিছে ৩১ মাৰ্চৰ আগত খালি কৰিব লাগে| ছেগ বুজি দিব্য প্ৰাজ্ঞলে সুধিলে- "চাৰ, লেবটো খালি কৰি কি কৰিব?"

এইটো লেব ব’ম্ব দি উৰুৱাই দিম| না ৰহেগা বাচ, না বজেগি বাচুৰি| ইঞ্চুৰেঞ্চৰ টকাৰে আকৌ নতুন প্ৰজেক্ট আৰম্ভ কৰিম|- দেবু ডনে গহীনভাৱে উত্তৰ দিলে|

দেবু ডনৰ উত্তৰ পাই দিব্য প্ৰাঞ্জলে ভাবিলে "ডন পক্কা মাৰোৱাৰী আছে|"

*          *           *          *          *           *

আস্তানা এয়াৰ পৰ্টৰ পৰা বিমান খন উৰিছে । মনজিত আৰু কুলদ্বীপ ৰ পৰৱৰ্তী লক্ষ্যস্হান বেইজিং। মনজিতৰ সোঁহাতৰ বিষটোৱে আমনি কৰিছে । কষ্ট কৰি চকুকেইটা মুদি আছে । আছলতে সকলোখিনি ইমান অতৰ্কিতেই হৈছিল কোনেও একো সুযোগেই পোৱা নাছিল । পল্লৱী সঠিক সময়ত নহা হ'লে !!!!

এইবোৰ কাম বৰ ৰিস্কি । প্ৰায় ছয় বছৰ ধৰি মনজিত সিন্ধান্ত মংগলৰ লগৰ সোঁহাত হিচাপে আছে । কেইবাবাৰো নিশ্চিত মৃত্যু মুখৰ পৰা বাছি আহিছে । বৰ্তমান মৃত্যুৰ ভয় আতৰিছে । কিন্ত !!!ইয়াৰ পিছতো ! আৰু ভাবিব নোৱাৰিলে ।

কুলদ্বীপে অন্য এটা চিন্তাত আছিল । নেক্সট ক্লু !পৰৱৰ্তী মিছনৰ একো নিৰ্দেশনা নাই । গতিকে !!সিদ্দান্তৰ মেছেজ মতে ফ্লাইটততেই আছে ক্লু টো আৰু ক্লুটো বিচাৰি পালেই পৰৱৰ্তী মিছনৰ এটা খোজ আগবাঢ়ি যাব ।

তেনেহলে ???

*          *          *         *          *           *

গুৰগাৱৰ ৰাজপথত সিদ্দান্ত মংগলৰ বি. এম. ডব্লিউ। আজি শনিবাৰ। মংগল মানুহজন মহান। তেখেতে প্ৰায়ে এইখন বাৰলৈ আহে। তেখেত প্লেটিনাম মেম্বাৰ। শনিবাৰে সাধাৰণতে ভিৰ থাকে উইকেণ্ডৰ বাবে।

তম্মা তম্মা লোগে…

বাৰখনত উচ্চস্বৰত বাজি আছিল । পোনে পোনে গৈ বহিল এটা নিৰ্দিষ্ট চুকত যিটো অংশত তেখেতে প্ৰায়েই নবহে ।লাইটৰ ক্ষীণ পোহৰ । তেখেতে এইখন বাৰত অহাৰ কাৰণ এটা । প্ৰত্যেক শনিবাৰে এইখন বাৰলৈ অন্য এজন ব্যক্তি। এলবাৰ্ট ।

প্ৰায় ৯ বজাত এলবাৰ্ট উপস্থিত হয় । এলবাৰ্ট হাৱালাৰ সৈতে জড়িত। সিদ্দান্তৰ বহু টকাৰ লেনদেন এলবাৰ্টেই কৰে । মানুহজন একেবাৰে বেপেৰোৱা । জীৱনত দুটাই চখ -সুৰা আৰু মাইকেল জেকছনৰ গান।

বিবাহিত - কিন্ত পত্নীৰ সৈতে মনোমালিন্যৰ বাবে দুয়ো পৃথকে থাকে ।

এলবাৰ্ট থিক ৮:৪৫ ত ক্লাব নাইন বাৰত উপস্হিত হল। পিন্ধনত এটা কাউবয় হেট আৰু হাল্ফ জেকেট । নীলা জীনছটোৰ ৰং কিছু বিদিৰ্ণ হৈছে।

চুলিবোৰো দীঘল। কেইবাসপ্তাহো শ্বেভ নকৰা দাড়ি।

আগলৈ...

সিদ্ধান্ত-দেবুৰ উইগ প্ৰজকেক্ট (নৱম খণ্ড)

নয়নজিতৰ ওপৰত হোৱা এটেকৰ পিছত আকৌ এবাৰ নিজকে চিকুটি চালে ডেবু ডনে। ইমান সহজে কেনেকৈ বাছি গ'ল !!!!ইমান সহজে ডেবু ডন হাৰ মনা মানুহ নহয়।

এইবাৰ ডাইৰেক্ট এটেক দিম গাজাৰী মীটত! ৩০ এপ্ৰিল!!!

*                *                  *                *               *

হেই ৱেইট! ষ্টপ দেয়াৰ!- সাগৰিকা বৰাই চিঞৰি কোৱাদি ক’লে|

কিন্তু ছাঁয়ামুৰ্তিয়ে তাইৰ কথা নুশুনি সমুখলৈ খোজ ল’লে|

হেই ৱেইট! টাৰ্ণ এৰাউণ্ড

এইবাৰ সাগৰিকাৰ মাতত ছাঁয়ামুৰ্তি থমকি ৰ’ল| তাই ছাঁয়ামুৰ্তিৰ কান্ধত হাতখন থোৱাৰ লগে লগে প্ৰচণ্ড ঘোচা এটা সাগৰিকাৰ মুখত পৰিল| তাই কিছুদূৰলৈ চিটিকি পৰিল| পেনিক বটনতো হেঁচুকি দিয়াৰ লগে-লগে ৰাজশ্ৰী, পুলকিতা, আধুনিকা, চন্দনা, পাৰ্ভিছ, ৰাভিছ, ডিম্পীকে ধৰি ভালে কেইজনীমান কমাণ্ডো ওলাই আহিল|

গোটেইকেইজনীয়ে ছাঁয়ামুৰ্তিক আগুৰি ধৰিলে| কিছু নীৰৱ মুহূৰ্ত পাৰ হ’ল| যেন ধুমুহাৰ আগৰ প্ৰশান্ত আকাশখন|

"চা, মোৰ লগত লাগি কি পাবি? মোক মোৰ কাম কৰিব দে| তহঁতে নিজৰ কাম কৰ"- ছাঁয়ামুৰ্তিয়ে মৌনতা ভংগ কৰিলে|

কি বিছাৰি আহিছ ইয়াত?- ডিম্পীয়ে মাত দিলে|

"সিদ্ধান্ত মংগলৰ হাৰ্ড ড্ৰাইভটো| এতিয়া ৰাস্তা খালি কৰ|"

এইৰ কথা বেছি হৈছে| আমাক চিনি পোৱা নাই- ৰাজশ্ৰীয়ে পোনেই চোঁচা ল’লে যদিও ছাঁয়ামুৰ্তিৰ এলব’ স্মেশ্ব এটাত তাই পিছ হুঁহকি আহিল|

ইমান সময়ে মনে মনে সকলো লক্ষ কৰি থকা পুলকিতাই হঠাত্ চুপাৰমেন পাঞ্চ এটা সোধালে| ছাঁয়া মুৰ্তিয়ে দুফুটমান দূৰলৈ চিটিকি পৰিল যদিও পুনৰ থিয় দিলে| দহ ছেকেণ্ড পিছতে সকলোৱে মিলি সেইখিনি ঠাইক যুদ্ধক্ষেত্ৰলৈ পৰিণত কৰিলে| ছাঁয়ামুৰ্তিয়ে এফালৰ পৰা সকলোৰে লাঠ-ঘোচাবোৰ পৰা বচাৰ আপ্ৰাণ চেষ্টা চলাই গৈছে| তাই পিছ হুঁহকি অহা বিধৰ নহয় সুযোগ বুজি প্ৰাত্যাক্ৰমণ কৰি গৈছে| হঠাত্ সুযোগ বুজি প্ৰিয়াক্ষিয়ে নেক ব্ৰেকাৰ এটা দি ছাঁয়া মুৰ্তিক বগৰাই পেলাই| সকলোৱে তাইক হাতে-ভৰিয়ে বান্ধি পেলায়| এখন যুদ্ধৰ অৱসান ঘটে|

*          *          *         *         *          *           *     

কুলদ্বীপ আৰু মনজিতে জাপানৰ অ’ছাকালৈ ডিল কৰিবলৈ গৈছিল পাহৰিলে নেকি?

সিঁহতে ঘৰটোৰ কাৰুকাৰ্য দেখি হতবাক হ’ল| ষ্টেট অফ আৰ্ট ডিজাইনেৰে নিৰ্মিত ঘৰটো| আৰ্কিটেক্টজন কেনেকুৱা হ’ব লাগিব?

দুয়ো ছোফাখনত বহি ঘৰটোৰ চুক-কোণ চাই থাকোতেই Hioshito Makiguchi আহি পালে| তেওঁৰ লগতেই হ’ব এইটো ডিল| ডন ফিল্মখনৰ সিই বিখ্যাত ডাইলগটো মনত আছে চাগে- "ডন কা ইণ্টেজাৰ গ্যাৰহ মুলকৌ কি পুলিছ কৰ ৰাহা হে| পৰ ডন কো পকডনা মুছকিল হি নেহী, নামুমকিন হে|" এই ডাইলগটো Hioshito Makiguchiৰ ক্ষেত্ৰটো প্ৰযোজ্য| কিমান মানুহ মাৰিলে তাৰ লেখ-জোখ নাই| এই বিশাল সম্পত্তিৰ অধিকাৰী কেনেকৈ হ’ল সুধিলে সকলোৱে একেমুখে ক’ব- "বহুত তেজ-পানী বোৱাই কৰিছে|"

কুলদ্বীপ-মনজিত দুয়োৰে বুকুৱে ধান বানি আছে| কাজাখাস্তানত কিবাকে সাৰি আহিলো| কিন্তু এইবাৰ জাপানত যদি গৰবৰ হয় তেনেহ’লে মাকিগুছিয়ে আগতে গুলি মাৰিব তাৰ পিছত দুখ পালো নেকি সুধিব|

*            *          *           *           *          *     

বিপ বিপ বিপ... মাধুৰ্য বৰাৰ ফোনটো বাজি উঠে|

হেৰা! ফোনটো নুঠুৱা কিয়| এই ৰাতিখনো ফোন আহে নে?-তেওঁৰ পত্নীয়ে চৰম বিৰক্তিৰে কয়|

ফায়াৰ এলাৰ্ম হয়| বাজি থাকিব দিয়া|

ফায়াৰ এলাৰ্ম নহৈ কিবা ইম্পৰটেণ্ট ফোন হ’ব পাৰে| চোৱাচোন|

ম’বাইলটো মুখৰ আগত মধুৰ্য্যৰ চকু ডাঙৰ হ’ল|

Debu Don Calling...

"তোমালোকক দায়িত্ব দিয়াই ভুল| দায়িত্ব কি বুজি পোৱা দায়িত্ব? সিদ্ধান্ত মংগলক চেৰ পেলাই টকাখিনি মোৰ একাউণ্টলৈ আনিবলৈ কি কি নকৰিলো? চব কষ্ট এনেই গ’ল মোৰ| এইবোৰ চিন্তাত বাকী থকা চুলি কেইডালো সৰিল| টাৱাৰৰ পৰা স্পেম লিংক পঠিয়াই সিদ্ধান্তৰ একাউণ্টৰ টকা ট্ৰাঞ্চফাৰ কৰিছিলো| কি হ’ল? আকৌ টকাবোৰ কেনেকৈ ওভতাই পালে? কোনে মোৰ লগত বিশ্বাসঘাটকতা কৰি আছে...? দেবু ডনে এফালৰ পৰা গালি বৰ্ষণ কৰি গ’ল|

দেবুদা, মই আপুনি কোৱাৰ দৰে টাৱাৰৰ পৰা স্পেম লিংক পঠিয়াইছিলো| তেনেকৈ টকা খিনিও আহিছিল| কিন্ত কোনোবা নিশ্চয় আছে যিয়ে আপোনাক...মানে আমাক চেলেঞ্জ কৰি আছে...মাধুৰ্যই কথাখিনি বুজোৱাৰ চেষ্টা কৰিলে|

"আৰে! মোক এইবোৰ কৈ কি লাভ? জাপানৰ ডিলটো হ’লে তাৰ টকাবোৰো সিদ্ধান্তই পাব| মই কি পাম? বাবাজি কা থুল্লু?"

হ’ব দেবুদা| আপুনি নিশ্চিন্ত থাকক| মই কাইলৈ ইয়াৰ ব্যৱস্থা কৰিম|

মাধুৰ্য্যই ইমান দিলে লুকুৱাই ৰখা অস্ত্ৰপাত ব্যৱহাৰ কৰাৰ কথা চিন্তা কৰিলে| ’বেঙেনা ব’ম্ব’|

আগলৈ...

সিদ্ধান্ত-দেবুৰ উইগ প্ৰজেক্ট (দশম তথা অন্তিম খণ্ড)

মিছন চাকচেছফুলৰ পিছত মনজিত আৰু কুলদ্বীপ ভাৰতলৈ আহিবলৈ সাজু হ'ল। মনজিতৰ হাত খন এতিয়াও সম্পূৰ্ণ ৰূপে শুকোৱা নাই। কিছু বিষ আছে।

মবাইলৰ চিনাকি ট'নটোৰ শব্দত মনজিতে মবাইলটো চালে। সিন্ধান্ত মংগলে মেছেজ পঠাইছে। লগতে এট্টেছ কৰি দিছে ফ্লাইটৰ টিকট দুটা! মনজিত কিছু আছৰিত হ'ল! আগতে কোৱা সময়তকৈ পাঁচ ঘন্টা পিছত নতুনকৈ বুকিং কৰিছে ফ্লাইট। কিন্ত কিয়? তাকো ফাৰ্ষ্ট ক্লাছত?

কিবা যেন এটা ৰহস্যৰ গোন্ধ পালে মনজিতে। প্ৰথম বাৰৰ বাবে সিন্ধান্ত তেওঁৰ বছ হ'লেও বিশ্বাস কৰিবলৈ মনটোৱে যেন কষ্ট পালে।

*                *              *               *              *              *

এলবাৰ্টে ধলং-পলং খোজেৰে নিজৰ গাড়ীত বহিল। ড্ৰাইভাৰে বাহিৰত অপেক্ষা কৰি আছিল। গাড়ীত বহাৰ পিছতেই ড্ৰাইভাৰে গাড়ী ষ্টাৰ্ট কৰিলে।

কিন্তু গাড়ীৰ বহাৰ পিছতেই চিৰদিনলৈ চকু মুদ খাই গৈছিল এলবাৰ্টৰ। ড্ৰাইভাৰে গমেই নাপালে।

আছলতে এলবাৰ্টে যেতিয়া সিন্ধান্ত মংগলৰ সৈতে সুৰা পান কৰি আছিল সুযোগ বুজি সিন্ধান্ত মংগলে এলবাৰ্টৰ পেগত মিহলাই দিছিল এবিধ মৃত্যুদূত ৰূপী দ্ৰৱ। তাৰেই ফলাফল এতিয়াৰ নিশ্চুপ এলবাৰ্ট।

এইবাৰ বাৰৰ পৰা ওলাই আহিল সিদ্ধান্ত মংগল। মুখত এটা কুটিল হাঁহি বিৰিঙি উঠিল। এতিয়া অন্ততঃ শান্তিৰে ৰিচাৰ্ছত মনোনিৱেশ কৰিব পাৰিম। আৰু বাকী আছে কেৱল দুজন!!

*             *               *            *               *                 *

মনজিত আৰু কুলদ্বীপ টেক্সিত বহিল। লক্ষ্যস্হান বিমান বন্দৰ। তেনেতে পুনৰ মনজিতৰ ফোনটো বাজি উঠিল। এজেন্ট বৰ্ণালী কলিং।

-হোৱাট! মনজিতৰ মুখেৰে অস্ফুত স্বৰেৰে শব্দতো উলাই আহিল।

-কি হ'ল মনজিত? কুলদ্বীপে সুধিলে।

-সিদ্ধান্তই আমাক হত্যা কৰাৰ প্লেন কৰিছে। বৰ্তমান আমি ভাৰতলৈ যাব নোৱাৰিম।

*            *              *              *                *                 *

নয়নজিত নিজৰ ঘৰলৈ যোৱাৰ পথত। শৰাইঘাটত নতুনকৈ মুকলি হৈছে অন্য এখন দলং। এখন চেল্ফিকে লওঁ বুলি গাড়ীখন ৰখালে। ফেচবুকত এফ আৰ পি (ফেচবুক ৰেটিং পইণ্ট)ৰ কথা আছে।

চেল্ফি দুখন মান লৈ উঠি গাড়ীত পুনৰ বহিবলৈ লোৱাৰ আগতেই অলপ দুৰলৈ দৃষ্টি গ’ল। হাৰে! এইজনী চোন!!! তাইও নয়নজিত দেখি আগুৱাই আহিল। তাইৰ হাতত এটা কেমেৰা| ডিঙিত ওলমি আছে।

-আৰে! কি খবৰ? ইমান দিনৰ মূৰত?

পলকৰ ভিতৰতে তাই এটা গান উলিয়াই ননজিতলৈ টোঁৱালে।

থিচিউ - এটা গুলীৰ শব্দ শুনা গ'ল।

(সমাপ্ত)